အသားစိမ်းအသုံးပြုချက်ပါက ကြက်သွန်ဖြူ၊ ဂျင်း ကြော်ပြီးနောက် အသားစိမ်း နှင့် sauce (ထမင်းစားဇွန်း ၃ ဇွန်းခန့်)ထည့်ကာ အသားကျက်ကာ အရည်ကုန်အောင် ဦးစွာကြော်ပေးရပါမယ်။ အသားကျက်လျှင် ကျန်သည့် sauce နှင့် အသီးအရွက်များထည့်ကြော်ခြင်းကတော့ အောက်ကနည်းနဲ့ အတူတူပဲဖြစ်ပါတယ်။
ချဉ်စပ်ဆော့ရည်အတွက် ပါဝင်ပစ္စည်း
- ငရုတ်သီး အချဉ် (pickled ground red chilli) – ထမင်းစားဇွန်း ၄ ဇွန်း
- ခရုဆီ – ထမင်းစားဇွန်း ၃ ဇွန်း
- ပဲငံပြာရည် အကျဲ – ထမင်းစားဇွန်း ၃ ဇွန်း
- ငရုတ်ဆီ (hot chilli sauce) – ထမင်းစားဇွန်း ၃ ဇွန်း
- ရေ – ထမင်းစားဇွန်း ၃ ဇွန်း
- သကြား – ထမင်းစားဇွန်း ၂ ဇွန်း
- သံပုရာရည် – ထမင်းစားဇွန်း ၁ ဇွန်း
အားလုံးရောဖျော်လိုက်လျှင် လိုအပ်သော ချဉ်စပ် sauce ကို ရပါပြီ။
ဝက်ချဉ်စပ်ကြော်ရန် ပါဝင်ပစ္စည်း
- ဆီ – 100 ml
- ပါးပါးသေးသေးလှီးထားသော ကြက်သွန်ဖြူ – ထမင်းစားဇွန်း ၁ ဇွန်းခွဲ
- ပါးပါးရှည်ရှည်လှီးထားသော ဂျင်း – ထမင်းစားဇွန်း ၁ ဇွန်းခွဲ
- ကျက်အောင်ပြုတ်ကာ အအေးခံပြီးနောက် ပါးပါးလှီးထားသော ဝက်ဂုတ်သား – 800 g ခန့်
- ၁ လက်မခန့် အရွယ် လှီးထားသော အစိမ်းရောင် ငရုတ်ပွသီး – 1 1/4 cup (310 ml)ခန့်
- ၁ လက်မခန့် အရွယ် လှီးထားသော အနီရောင် ငရုတ်ပွသီး – 1 1/4 cup (310 ml)ခန့်
- ၁ လက်မခန့် အရွယ် လှီးထားသော ကြက်သွန်နီ – 1 1/4 cup (310 ml)ခန့်
- ၁ လက်မခန့် အရွယ် လှီးထားသော ခရမ်းချဉ်သီး – 2/3 cup (160 ml)ခန့်
- ချဉ်စပ် sauce
- ၁ လက်မခန့် အရှည် လှီးထားသော ကြက်သွန်ပင် – 1 1/4 cup (310 ml)ခန့်
ချက်ပြုတ်နည်း
- ဆီပူထဲ ကြက်သွန်ဖြူ နှင့် ဂျင်းထည့်၍ မီးအပူရှိန်ပြင်းပြင်း high heat ဖြင့် စက္ကန့် ၃၀ ခန့် (အနံ့မွှေးကာ နွှမ်းရုံ) မွှေကြော်ပါ။
- ဝက်သား၊ ငရုတ်ပွသီး၊ ကြက်သွန်နီ၊ ခရမ်းချဉ်သီး နှင့် ချဉ်စပ်sauce ထည့်၍ အရသာနံ့ကာ အသီးအရွက်များ အနည်းငယ် နွမ်းရုံ အပေါ်အောက်လှန် ကြော်ပေးပါ။ (မီးအပူရှိန်ပြင်းဖို့လိုပါတယ်။)
- ကြက်သွန်ပင်ထည့်ကာ အနည်းငယ်မွှေကြော်ပြီးသည်နှင့် အိုးကို မီးဖိုမှဖယ်ကာ အရသာရှိစွာ သုံးဆောင်နိူင်ပါပြီ။
No comments:
Post a Comment