ပါဝင်ပစ္စည်းများ
- မရမ်းသီးနုနု.....................၂၀လုံးခန့်
- ကြက်သွန်ဖြူ......................၅တက်
- ငရုတ်သီးစိမ်း.. ..................၁၀တောင့်ခန့်
- အာဝါးသီး.........................၂တောင့်
- မျှင်ငါးပိ............................၁ဇွန်း
- ပုစွန်ခြောက်......................၁ဇွန်း
- ပဲဆီသန့်..........................၃ဇွန်းခန့်
ထောင်းနည်း
1. မရမ်းသီးကိုထက်ခြမ်းခွဲပြီးအစေ့ထုတ်၊ခပ်ပါးပါးလှီးပါ။မရင့်သေးတဲ့အတွက်ဆားထည့်နယ်ပြီးဆေးဖို့မလိုသေးပါဘူး။
2. ရေဆေးပြီးရေစင်အောင်ညှစ်ထုတ်ထားပါ။
3. မျှင်ငါးပိကိုဇွန်းပြားလေးမှာကပ်ပြီးမီးကင်ပါ။
4. ငရုတ်သီးစိမ်း ၊ ကြက်သွန်ဖြူ၊ ပုစွန်ခြောက်တို့ကိုမွှေးနေအောင်လှော်ပေးပါ။
5. လှော်ထားတဲ့ငရုတ်သီးအရောကိုဦးစွာညှက်အောင်ထောင်းပါ။ညှက်သွားလျှင်မီးကင်ထားတဲ့ငါးပိထည့်ထောင်းပါ။
6. သမအောင်မွှေထောင်းပြီးပြီဆိုမှပါးပါးလှီးထားတဲ့မရမ်းသီးတွေထည့်ထောင်းပါ။
7. ဆား၊ဟင်းခတ်မှုန့်တို့ဖြင့်အရသာဖြည့်စွက်ပြီးအနည်းငယ်သမသွားအောင်ထောင်းပါ။
8. နှစ်သက်ပါကပဲဆီသန့်သန့်လေးလောင်းထည့်ပြီးမွှေပေးပါ။
No comments:
Post a Comment