ပါဝင်ပစ္စည်း
- ငါးဇင်ရိုင်း
- ခရမ်းချဥ်သီး
- သံပုရာသီး/ ရှောက်သီး
- ကြက်သွန်ဖြူနီ
- ငရုတ်သီးစိမ်း
- ပင်စိမ်း
- မဆလာ
ချက်ပြုတ်နည်း
1. ငါးဇင်ရိုင်းကို သန့်ရှင်းပြီး ရေအထပ်ထပ် ဆေးထားပါ။
2. ဆား ဆနွင်း အချိုမှုန့် သံပုရာသီးတလုံး ညှစ်ထည့်ပြီး နယ်ပြီး ခဏ သိပ်ထားပါရှင်။(ငါး မကြေမွရခြင်းရဲ့ လျို့ဝှက်ချက်က သံပုရာရည်ပါ။ချက်လိုက်တဲ့အခါ တောင့်တောင့်လေးဖြစ်စေပါတယ်။)
3. ကြက်သွန်ဖြူနီ ဆီသတ်ပါ။ခရမ်းချဥ်သီးထည့်ပါ အရသာလိုသလိုထည့်ပါ။ ခရမ်းချဥ်သီး ဆီလှိမ့်လာရင် ငါးနယ်ထားတာ ထည့်ပါ။ရေမထည့်ရပါ။ငါးအနည်းငယ်နူးလာပြီဆိုရင်ငရုတ်သီးစိမ်းထည့်ပါ။
4. မီးအရှိန်ကို အောက်ဆုံးထားလိုက်ပါ။ဇွန်းနဲ့မကော်ဘဲ အိုးကိုဘဲ လှုပ်လှုပ်ပြီး ချက်ပါ။
5. ကျက်ခါနီးပြီဆိုရင် မဆလာလေး နဲ့ ပင်စိမ်းလေး အုပ်လိုက်ပါ။
No comments:
Post a Comment