ကြက်သားသောက်ဆမ်း (တရုတ်ချက်)

ပါဝင်ပစ္စည်း

• ကြက်ခုတ်သား......................၅၀သား
• ရှီတာကီမှိုခြောက်...................၁၀ကျပ်သား
• မုန်လာဥနီ.............................၃ လုံး
• ကြက်သွန်ဖြူအတက်ကြီး........၁၀တက်ခန့်
• ချင်း....................................၁တက်
• ကြက်သွန်မြိတ်.....................၄ပင်
• ရှာကော+ပါကောမှုန့်.............၁ဇွန်း
• ပဲငံပြာအကြည်ရည်..............၂ ဇွန်း
• ငရုဆီ................................၁ ဇွန်း
• သကြား.............................၁ ဇွန်း

ချက်ပြုတ်နည်း

1. အရွယ်တော်ခုတ်ထားတဲ့ကြက်သားတွေကိုရေဆေးပြီးဆား ၊ငရုတ်ကောင်းမှုန့်အနည်းငယ်တို့နှင့် အရသာနှပ်ထားပါ။

2. ရေစိမ်ထားတဲ့ကြွက်ရှီတာကီမှိုမည်းတွကိုအညှာသင်ပြီးသင့်တော်သလိုခပ်ကြီးကြီးလှီးဖြတ်ပါ။ရေနွေးဆူဆူမှာ (၅)မိနစ်ခန့်ပြုတ်ပြီးရေစစ်ထားပါ။

3. မုန်လာဥနီကိုအခွံခွါပြီးကြက်သားတုံးအရွယ်နီးနီးခပ်ကြမ်းကြမ်းလှီးဖြတ်ပါ။

4. ကြက်သွန်ဖြူ တွေကိုလည်းအခွံခွာပြီးရေဆေးထားပါ။ချင်းကိုထက်ခြမ်းခွဲပြီးပါးပါးလှီးပါ။

5. ဒယ်အိုးတစ်လုံးမှာဆီအနည်းငယ်(၂) ဇွန်းခန့်ကိုအပူပေးပြီးမုန်လာဥနီနှင့်ကြက်သွန်ဖြူတွေကိုဆီသတ်ပြီး စစ်ထားပါ။

6. ထိုဆီထဲမှာပဲ ချင်းပြားတွေကိုဆီသတ်ပါ။မွှေးလာလျှင်ကြက်သားတွေထည့်ဆီသတ်ပါ။တရုတ်မဆလာ (ရှောက်ကောပါကော)ထည့်ပြီးဆီသတ်ပါ။

7. ကြက်သားအပေါ်ယံကြောတွေတင်းလာပြီဆိုရင်ရေလေးအနည်းငယ်ထည့်ပြီးအဖုံးအုပ်ထားပါ။

8. ကြက်သားတွေရေခမ်းပြီးအနံ့မွှေး၊တစ်၀က်ကျက်လောက်အချိန်မှာကြော်ပြီးဆီစစ်ထားတဲ့မုန်လာဥနီနဲ့ ကြက်သွန်ဖြူ တွေထည့်ပါ။

9. ရှီတာကီမှိုတွေကိုလည်းထည့်ပေးပါ။

10. သကြား၊ဟင်းခတ်မှုန့်၊ ခရုဆီ၊ ပဲငံပြာရည်အကြည်၊ဆားတို့ဖြင့်အရသာဖြည့်စွက်ပါ။

11. အားလုံးဆတူနီးပါးနှုးလာလျှင်ကြက်သွန်မြိတ်လေးများအုပ်ပေးပါ။

ဒီဟင်းပွဲလေးကအရည်အများကြီးမဟုတ်တဲ့အတွက်ဆမ်းစားရတာအဆင်ပြေသလိုခပ်သောက်ချင်လဲခပ်သောက်လို့ရတဲ့အချိုသောက်ဆမ်းလေး
ဖြစ်ပါတယ်။