ဝက်နံရိုးခရမ်းကြွပ်ချက်

ဘယ်အသားကိုဖြစ်ဖြစ်အသုံးပြုလို့ရပေမယ့်အသားများတဲ့ဝက်နံရိုးလေးနဲ့ဆိုရင်ပိုအရသာရှိပါတယ်။

ပါဝင်ပစ္စည်း

• ဝက်နံရိုး....................၂၅ကျပ်သား
• ဂေါ်ဖီထုပ်...................၁စိတ်
• ခရမ်းကြွပ်သီး...............၅လုံး
• ရှမ်းနံနံ........................၅ပင်
• ကြက်သွန်နီ..................၁လုံး
• ကြက်သွန်ဖြူ...................၃တက်
• ချင်းသေးသေး.................၁တက်
• ငရုတ်ခြောက်ပု................၃တောင့်
• မန်ကျည်းသီးမှည့်.............အနည်းငယ်

ချက်ပြုတ်နည်း

1. ဝက်နံရိုးကိုအတုံးငယ်များတုံးကာရေဆေးပြီးအရသာနယ်ထားပါ။

2. ကြက်သွန်နီ၊ဖြူ ၊ချင်း၊ ငရုတ်ခြောက်တောင့်တို့ကိုရောပြီးညှက်နေအောင်ထောင်းပါ။

3. ဂေါ်ဖီကိုအထပ်လိုက်မကွာစေပဲ လက်တဆစ်ပတ်လည်ခန့်လှီးပါ။

4. ခရမ်းကြွပ်သီးကိုထက်ခြမ်း(သို့)လေးစိတ်ခွဲပြီးဆားရည်လေးစိမ်ထားပါ။

5. အိုးတစ်လုံးမှာဆီသတ်လို့ရမယ့်အနည်းသောဆီပမာဏကိုအပူပေးပြီးထောင်းထားသောအရောကိုဆီ သတ်ပါ။

6. မွှေးလာလျှင်အရသာနယ်ထားတဲ့ဝက်နံရိုးတွေထည့်ပါ။ ခေတ္တအဖုံးအုပ်ထားပါ။

7. ဝက်နံရိုးကစိမ့်ထွက်လာတဲ့အရည်တွေခမ်းပြီဆိုမှအဖုံးဖွင့်ပြီးမွှေပေးပါ။

8. ငါးငံပြာရည်၊ထန်းလျက်တစ်လုံး(မရှိပါကသကြား၊ဟင်းခတ်မှုန့်ရေနွေးဖြင့်ဖျော်ထားသောမန်ကျည်းရည် တို့ထည့်ပြီးအဖုံးပြန်ဖုံးပါ။(ဝက်နံရိုးတွေဟာအချဉ်ဓာတ်ကြောင့်အနူးလွယ်လာပါလိမ့်မယ်။)

9. ဝက်နံရိုးတွေတဝက်လောက်ကျက်ပြီဆိုမှခရမ်းကြွပ်သီး၊ဂေါ်ဖီထုပ်တွေထည့်ပါ။အဖုံးအုပ်ထားပါ။
အဖုံးမအုပ်ထားပါခရမ်းကြွပ်သီးတွေမဲသွားတတ်ပါတယ်။

10. နောက်ဆုံးမှလက်တဆစ်ခန့်လှီးထားသောရှမ်းနံနံလေးတွေအုပ်ပေးပါ။ ချို ၊ ချဉ် ၊ ငံ ၊စပ် လေးကအရသာ တစ်မျိုးထူးခြားစေမှာပါ။