ပါ၀င်ပစ္စည်းများ
- စလားဗီးယား ငါး (သို့) ကြိုက်နှစ်သက်ရာ ငါး - ၁ ကောင်
- ဆား - လက်ဖက်ရည်ဇွန်း လေးပုံတပုံ (သို့) အနည်းငယ် (ငါးအကြီးအသေးပေါ်မူတည်၍)
- ဂျင်း - လက်တဆစ်
- ကြက်သွန်ဖြူ - ၂ မွှာ
- နံနံပင် - ၁၀ ပင်
- ရှမ်းနံနံ - ၁၀ ပင်
- ငရုတ်သီးစိမ်း - ၅ တောင့်
- ငရုတ်သီးဆီချက် (ငရုတ်သီးအကြမ်းမှုန့်နှင့် တရုတ်မဆလာကို ဆီသတ်ထားပါ။)
ပြုလုပ်နည်း
1. ငါးကို သန့်စင်ပြီး တဖက်တချက်ဆီကို မွှန်းထားပါ။ ဂျင်း နှင့် ကြက်သွန်ဖြူကို ညက်အောင်ထောင်းထားပါ။
2. ဂျင်းနှင့် ကြက်သွန်ဖြူ မှ အရည်ကို ငါးပေါ်သို့အနှံ့ညှစ်ချပါ။ ဗိုက်သားထဲကိုပါ ညှစ်ပါ။ ထို့နောက် ဆားဖြင့် ငါး အနှံ့သုတ်ပါ။
၃။
အရည်ညှစ်ထားသော ဂျင်း၊ကြက်သွန်ဖြူ၊ ငရုတ်သီးစိမ်း၊ ရှမ်းနံနံ၊ နံနံပင်
တို့ကို ထောင်းပါ။ ထောင်းထား သော အစာပလာများကို ငါးရဲ့ဗိုက်သားထဲကို
အစာသွပ်ပါ။
၄။ ငရုတ်သီးဆီချက်ကို ငါးရဲ့မျက်နှာပြင် ၂ ဖက်လုံးကို စုတ်တံ ဖြင့်သုတ်ထားပါ။
၅။ ငါးကင်လို့ရပါပြီ။ ငါးကင်နေစဉ်မှာ ငါးရဲ့မျက်နှာပြင်ကို ငရုတ်သီးဆီချက်ဖြင့် သုတ်ပေးပါ။
(အစပ်ကြိုက်လျှင် ငရုတ်သီးအဖတ်တွေပါ သုပ်ပါ။)
မှတ်ချက်။ ။ ငါးကင်မည့် သံပြား/ဇကာကိုလဲဆီသုတ်ပါ။ ငါးအရေခွံများ ကပ်မသွားအောင်လို့ပါ။
No comments:
Post a Comment