မြန်မာဟင်းတွေမှာ ဝက်သားကို အခြားသော ဟင်းသီးဟင်းရွက်တွေနဲ့ ရောပြီးချက်တဲ့ ဝက်သားဟင်းမျိုးစုံ ရှိပါတယ်။ ဝက်သားကို သရက်သီးခြောက်နဲ့ချက်တဲ့ အညာဟင်းလေးချက်ရှိသလို ကျောက်ဖရုံသီးနဲ့ရောပြီး ချက်တဲ့ ]သြွပန်းဟင်း} လို့ ခေါ်တဲ့ အညာအလှူဟင်းလည်းရှိပါတယ်။ တညင်းသီးကြိုက်တဲ့သူတွေကတော့ ဝက်သားကို တညင်းသီးနဲ့ရောပြီး နှပ်ကြပါတယ်။
ပါဝင်ပစ္စည်းများ
- ဝက်သားသုံးထပ်သား – ၄၅၀ ဂရမ် (အနေတော်အရွယ်တုံးထားပါ)
- တညင်းသီး – ၁၀ လုံး (ပြုတ်ပြီး အခွံနွှာထားပါ)
- ပဲငံပြာရည် – စားပွဲဇွန်း ၂ ဇွန်း
- သကြား – လက်ဖက်ရည်ဇွန်း ၁ ဇွန်း
- ဆား – လက်ဖက်ရည်ဇွန်း ၁ ဇွန်း
- ကြက်သားမှုန့် – အနည်းငယ်
- ဆီ – စားပွဲဇွန်း ၂ ၁/၂ ဇွန်း
- သရက်သီးသနပ် – ၄-၅ ဖတ်
- ရေ – ၇၀ဝ မီလီလီတာ
အနှစ်အတွက် ထောင်းရန်လိုအပ်တာတွေကတော့
- ကြက်သွန်နီ – ၁၃၀ ဂရမ် (၃ ဥ)
- ချင်း – ၁၅ ဂရမ်
- ငရုတ်သီးခြောက် – ၁၀ ဂရမ်
ပြုလုပ်နည်း
- ဝက်သားကို ပဲငံပြာရည်၊ ဆား၊ သကြား၊ ကြက်သားမှုန့်တို့နှင့် နယ်ထားပါ။
- ထောင်းထားတဲ့ ချင်း၊ ကြက်သွန်နှင့် ငရုတ်သီးကို ဆီသတ်ပါ။
- အနံ့မွှေးလာသည်နှင့် ဝက်သားထည့်ပြီး ချက်ပါ။ သရက်သီးသနပ်ထည့်ပါ။
- ပြီးလျှင် ရေထည့်၍ အဖုံးဖုံးပြီး ချက်ပါ။
- ဝက်သားနူးခါနီးမှာ ပြုတ်ထားတဲ့ တညင်းသီးကို ထုပြီး ထည့်ပါ။
- ဝက်သားနူးလျှင် အဆင်သင့်ဖြစ်ပါပြီ။
No comments:
Post a Comment